Agro Kartela

Akuakultura kalon prodhimtarinë e mishit të lopës

Ushqimi i njerëzve si duhet ka arritur në një pikë të rëndësishme, pasi që prodhimi i peshkut në botë ka kaluar atë të mishit të lopës për herë të parë në epokën moderne. Këto të dhëna kanë ardhur nga Departamenti i Agrikulturës së Kombeve të Bashkuara dhe SHBA-ve.

Kjo tregon edhe njëherë se kultivimi i peshkut po shënon rritje, duke zënë vend në të gjithë globin, me ç’rast edhe shumë universitete kanë hapur programe për akuakulturën.

Organizata e OKB-së për Ushqim dhe Agrikulturë vlerëson se prodhimi i peshkut në ferma është rritur gjashtë herë më shumë në 20 vjetët e fundit.

“Ka kërkesë për proteinat e peshkut”, thotë shkencëtari hulumtues, Cyr Couturier nga “Marine Institute” në Universitetin Memorial të Newfoundland.

Hulumtimi i Couturier është përqendruar në zvogëlimin e ndikimit ambientalist të akuakulturës. Ai thotë se nuk është i befasuar që mishi i lopës ka rënë prapa prodhimit të mishit të peshkut në ferma të peshqve.

“Është një burim i mirë e i shëndetshëm i proteinës së kafshëve, dhe mendoj se kjo është edhe një arsye pse është rritur prodhimtaria e peshkut në planet”, ka thënë Couturier.

Çdo gjë nga peshku e deri tek frutat më të ndryshëm ujor, sot prodhohet në ferma. Dhe, një fakt aspak befasues, Kina kryeson në botën e akuakulturës.

“Mendoj se peshku i fermave do të jetë pjesë e përgjigjeve për sa i përket furnizimit me ushqim”, ka thënë Janet Larsen, drejtor i hulumtimit. /FermaIme/

ProCredit Bank

Të fundit

Ju rekomandojmë

Komuna e Pejës ndihmon bletarët

Kryetari Muhaxheri është duke vazhduar me realizimin e premtimeve, të cilat po realizohen çdo ditë e më shumë. Para disa ...

Përse e duam qepën

​Një numër i madh i hulumtimeve ka treguar se qepa ka një avantazh të madh në gjendjen e përgjithshme të shëndetit dhe ...

Mbështetësit

Partnerët