Agro Kartela

Zymbyli

Është bimë të cilën besojmë e njihni të gjithë. Ka prejardhje nga Azia e vogël (Anadolli), ndërsa në Europë njihet nga shekulli XVI.

Veçohen dy lloje të zymbylit: ai romak (lat. Hyacinthus orientalis albulus) që ka lule më rrallë të përqëndruara, aromë më intensive dhe mund të ketë ngjyrë të bardhë, kuqremtë apo vjollce dhe zymbyli holandez (lat. H.orientalis) që ka lule të dendura me ngjyrë të bardhë, krem, roze, të kuqe apo ngjyrë vjollce. Me shekuj kjo lule ka qenë frymëzim për artistët dhe lule e preferuar në mbarë botën, për çka flet edhe fakti se 7 Marsi është shpallur Ditë botërore e zymbylit.

Bima rritet 20–30 cm në lartësi dhe ka gjethe të gjelbërta e të gjata mishtore nga ku del mbajtësi me lule. Mbillet në vjeshtë në kopsht apo saksi, të cilat gjatë dimrit duhet të vendosen brenda në shtëpi.

Kur të përfundoi periudha e lulëzimit dhe gjethet vyshken, ndërsa lulja mbetet në kopsht gjatë dimrit, nuk do të ngrihet, por vitin tjetër nuk do të ketë lule të begata.

Gjatë mbjelljes duhet vendosur në thellësi rreth 15 centimetra. Duhet të mbillen në vend me diell.

Kjo lule aromatike zë vend me rëndësi në kulturën dhe artin në mbarë botën.

Iranianët me të dekorojnë tavolinat për pritjen e Vitit të Ri. Profeti Muhamed ka thënë: “Po të kisha dy copë të bukës, do ta shisja një dhe do të blija zymbylët, meqë ato do të më ushqejnë shpirtin”.

Kjo lule është shpesh motiv edhe në krijimtarinë tonë popullore, duke filluar nga metafora për bukuri e më shumë.
Zymbyli është lulja më aromatike nga të gjitha lulet e pranverës dhe vaji i tij përdoret si përbërës i parfumeve. Nga lulet e zymbylit fitohet ngjyra e kaltërt./FermaIme/
 

ProCredit Bank

Të fundit

Ju rekomandojmë

Molla, pse jane te nevojshme vlerat antitoksine te saj

Molla permban dy substanca te fuqishme qe mbrojne shendetin: flavonoidet pengojne zhvillimin e qelizave kanceroze, ndersa ...

Rrushi eliminon gurët në veshka

I bardhë apo i kuq kjo nuk ka shumë rëndësi. Ajo çfarë na rekomandojnë mjekët është konsumimi i të paktën një çerek ...

Mbështetësit

Partnerët