Agro Kartela

Fillon studimi i ndotjes së tokës bujqësore në Kosovë

Projekti i financuar nga Bashkimi Evropian për studimin e tokës bujqësore në Kosovë (ALPS), sot u hap zyrtarisht nga zëvendësministri i Mjedisit dhe Planifikimit Hapësinor, Ferat Shala, sekretari i përgjithshëm i MMPH’së, Arben Citaku, shefi i operimeve nga zyra e Bashkimit Europian në Kosovë, Christof Stock dhe drejtori i departamentit për mbrojtjen e mjedisit, Muhamet Malsiu. Ky projekt menaxhohet nga zyra e Bashkimit Evropian dhe realizohet nga organizata gjermane për bashkëpunim ndërkombëtar GIZ, dhe NIRAS nga Polonia.

 

Zëvendësministri i mjedisit, Ferat Shala përshëndeti fillimin e këtij projekti duke e cilësuar si shumë të rëndësishëm sa i përket të dhënave që do të dalin nga ky studin rreth shfrytëzimit dhe ruajtjes së qëndrueshme të tokës bujqësore si një resurs shumë i çmueshëm i zhvillimit agro-ekonomik të shtetit të Kosovës dhe përmirësimit të gjendjes së mjedisit në përgjithësi. Shala shtoi se “beson se ky projekt do të nxjerrë të dhëna të vlefshme dhe të besueshme për të përcaktuar së në çfarë gjendje është toka jonë bujqësore dhe në çfarë mase mund të jenë të ndotura pjesë të ndryshme të saj.

 

Christof Stock, nga zyra e Bashkimit Evropian në Kosovë tha se objektivë kryesore e këtij projekti është të mbështesë MMPH dhe MBPZhR në përmirësimin e sistemit të menaxhimit të tokave bujqësore dhe ofrimi i ndihmës në formimin e një sistemi permanent për monitorimin e ndotjes së tokave bujqësore. Ai konsideroi se projekti ALPS përfshinë edhe një komponent shumë të rëndësishëm, atë të studimit të detajizuar të tokës në 17 komuna, për të vlerësuar prezencën e metaleve të rënda në produktet bujqësore dhe ushqimore, dhe vlerësimin e mundësisë së përhapjes së këtyre ndotjeve në trupin e njeriut.

 

Përndryshe, qëllimi kryesor i projektit ALPS është mbështetja e institucioneve qeveritare në drejtim të realizimit të vlerësimit të ndotjes së tokës bujqësore si element shumë i rëndësishëm për zbatimin e legjislacionit vendor lidhur me menaxhimin e tokës bujqësore dhe mbrojtjen e mjedisit. Nëpërmjet këtij projekti synohet të arrihet rifreskimi i legjislacionit përkatës, forcimi i kapaciteteve në stafin e MMPH, MBPZhR, Agjensionit Kosovar për Mrojtjen e Mjedisit, Institutit të Agrikulturës së Kosovës dhe Agjensionit të Ushqimit dhe Veterinarisë, në të gjitha aspektet që lidhen me analizimin e tokave bujqësore. Gjithashtu parashihet që të arrihen edhe rezultate në vlerësimin e detajuar në ndotjen e tokave bujqësore, identifikimin e burimeve, dhe rekomandimet për monitorimin dhe kontrollin e pjellorisë së tokës bujqësore. /FermaIme/

Të fundit

  • Fermeri i ri që vazhdon traditën familjare

    Sektori i bujqësisë viteve të fundit po bëhet shumë atraktiv për shumë kosovarë, e sidomos për shumë të rinj, të cilë...

  • Vera e famshme

    Tradita e vreshtarisë dhe verëtarisë në trevën e Bordosë, është nga më të lashtat dhe nga më të njohurat. Ndoshta jan...

  • Koha për mbjelljet pranverore

    Mbjelljet pranverore kryesisht janë të lidhura me afatet kohore që kërkojnë kulturat e ndryshme bujqësore, por këto ...

  • Kultivimi i perimeve në ballkon

    Perimet sikurse bimët dekorative mund kultivohen në apartament. Organizata Botërore e Ushqimit promovon krijimin e mikro-...

Ju rekomandojmë

Thanat kundër ulçerës së lukthit

Thanat mund të jenë shumë të efektshme në mbrojtjen nga i thati në stomak tek femrat...

Vera, aleat i mirë në luftën kundër kariesit

Shkencëtarët kanë zbuluar se vera e zezë mund të jetë aleat i dobishëm në luftën kundër kariesit...

Mbështetësit

Partnerët