Content on this page requires a newer version of Adobe Flash Player.

Get Adobe Flash player

Top 4 pemët më të shëndetshme

Pemët nuk janë vetëm të shijshme, por edhe të shëndetshme. Janë të pasura me vitamina A dhe C, por edhe me vlera tjera ushqyese qenësore për trupin e njeriut. Disa prej tyre mund të parandalojnë edhe sulmet në zemër, të kontrollojnë shtypjen e gjakut e kolesterolin, parandalojnë disa lloje të kancerit si dhe ju mbrojnë nga humbja e të pamurit.

Janë aq të mira, sa që ekspertë shëndetësorë në Kanada rekomandojnë, sidomos për femrat, që të hanë shtatë-tetë herë në ditë pemë apo perime.

Të gjitha pemët ofrojnë të mira shëndetësore, mirëpo katër të mëposhtmet janë përzgjedhur si më të fuqishmet kundër sëmundjeve të ndryshme.

Mollët – përmbajnë 75 kalori dhe 3 g fibra. Këto pemë përmbajnë gjithashtu antioksidantë të quajtur flavonoide, të cilët ulin mundësitë e zhvillimit të diabetit dhe astmës. Mollët janë gjithashtu edhe freskues natyralë të erës së gojës dhe i pastrojnë dhëmbët tuaj në secilin kafshim.

Gjithashtu, rekomandohet që mollët të mos qërohen, pasi që shumica e vitaminave qëndrojnë pikërisht menjëherë nën lëvoret e tyre, sikurse edhe shija e tyre që vjen direkt nga lëvorja.

Avokadot – përmbajnë 114 kalori, 4.5 g fibra dhe janë burim i mirë i Vitaminës E. Ato gjithashtu përmbajnë yndyra të shëndetshme të cilat ndihmojnë në uljen e nivelit të kolesterolit. Për ta mbajtur zemrën e fortë, zëvendësojeni gjalpin me avokado.

Edhe foshnjat i dëshirojnë aq shumë avokadot. Janë të buta, të lëngshme dhe të lehta për tu ngrënë, si dhe sasia e lartë e yndyrave pozitive, u ndihmon atyre të rriten e të zhvillon normal.

Bananet – përmbajnë 105 kalori, 3 g fibra dhe janë burim i mirë i Vitaminës B6, potasiumit dhe folatit. Me 422 miligramë potasium për banane, këto pemë të ëmbla kanë më shumë potasium sesa shumica e pemëve tjera dhe mund të ndihmojnë në uljen e nivelit të shtypjes së gjakut.

Manaferrat – përmbajnë 31kalori, 4 g fibra dhe janë të pasura me antioksidantë. Ato e marrin ngjyrën e tyre të thellë vjollce nga antioksidanti i fuqishëm antocianin, e cila ndihmon në uljen e mundësisë për sulm në zemër dhe kancerit. Studimet kanë treguar se manaferrat mund të ndalojnë edhe zhvillimin e qelizave kancerogjene në mushkëri. /FermaIme/

ProCredit Bank

Të fundit

Ju rekomandojmë

Frutat, “sekreti” për të hequr dorë nga duhani

E mendoni prej kohësh të hiqni dorë nga duhani, por nuk mundeni? E mendoni prej kohësh të hiqni dorë nga duhani, por nuk ...

Bishtajat zvogëlojnë oreksin

Janë të paktë ata njerëz që kanë dëgjuar për kolecistokininën, por ky është njëri nga miqtë më të mirë në luftën...

Mbështetësit

Partnerët